Ginatun-an nila sa subong suno kay South Cotabato Governor Reynaldo Tamayo Jr. kon himuon na lamang nga virtual ang pagpatigayon sang iya nga state of the province address tungod sa padayon nga pagpaidalom sa quarantine.
Ini matapos nga ginpaiway ang pagdeliver niya sang SOPA sang Disyembre 16 tungod sa pagpaidalom niya sa quarantine sa amo nga adlaw kag gin-updan ang 7-anyos nga bata sa isolation facitlity, matapos nga nagpositibo sa COVID-19.
Samtang ginpahayag man ni Governor Tamayo nga indi apektado ang operasyon sang provincial government bisan nga nagapaidalom siya sa quarantine.
Awhag niya naman sa mga pumuluyo sa probinsya nga padayon nga istrikto nga ipatuman ang mga health protocols kag likawan ang pagtililipon ilabi na subong nga paskwa kag bag-ong tuig.
Nahibaluan nga isa ang iya nga bata sa napulo ka mga persona nga ginpaidalom sa swab test ang nagpositibo sa virus, matapos nga isa ka empleyado sang ila nga kumpanya ang naigo sang COVID-19 kag nagaistar sa ila nga compound sa pihak sang ginapatuman nga istrikto nga health protocols.
