Gidepensa sa Philippine Drug Enforcement Agency kon PDEA-Bukidnon ang pagpagawas nila sa listahan sa mga narco officials sa barangay.
Sa interview sa RMN Malaybalay ngadto kang PDEA Bukidnon Provincial Head John Romy Echeveria, gibutyag niini nga magsilbi kining giya sa mga bontante sa pagpili sa mga opisyal sa barangay karong eleksiyon.
Dungan niini, aminado siya nga adunay nakatakdang ipagawas nga mga pangalan ang ilang buhatan nga mga narco politicians.
Gipasabot ninii nga nalangan ang mao nga pagpagawas sa listahan tungod kay gipailawom pa kini nila sa hugot nga balidasyon. Dili lamang usab daw sila ang naghimo ug validation kon dili apil na ang PNP, NBI ug ang NECA.
Sa karon wala pay gipagawas nga schedule kung kanus-a isapubliko ang mao nga listahan.
