Davao City- Dili makiangayon alang kang PNP Chief Ronald ‘Bato’ dela Rosa nga pahawaon siya sa pwesto tungod lang sa pagtaas sa porsyento sa mga Pilipino nga nagatoo nga dunay nagapanghitabo nga extra-judicial killings sa war on drugs.
Kini ang opinyon ni PRO-XI spokesperson PCI Andrea Dela Cerna atol sa interview sa DXDC RMN Davao.
“I think it’s unfair for our Chief PNP na ipanawagan siya nga mag resign dahil nakita naman po natin na lahat ginagawa naman natin para po sa maintenance sa peace and order hindi lamang po dito sa Davao region but on a national level,” segun ni dela Cerna.
Dugang ni dela Cerna, aminado sila nga dili tanan tawo uyon sa mga balaod nga ginapatuman apan nagatuo siya nga daghan usab ang nalipay sa gihimong kampanya sa kapulisan batok iligal nga droga tungod tumong nila mao ang maprotektahan ang katawhan sa bisan unsang matang sa insidente dala sa iligal nga droga.
Subay kini sa panawagan ni Akbayan Rep. Tom Villarin nga pasayuhon ug dili na hulaton ang enero sunod tuig sa pag-resign ni Bato diin rason sa kongresista mao sumala pa nga gibutang sa Hepe ang kapulisan sa makauulaw nga sitwasyon tungod sa Oplan Tokhang.
Kahinumduman nga sa survey sa Pulse Asia sugod September 24 kutob 30, misaka gikan 67 ngadto na sa 73 ang porsyento sa mga Pilipino nga nagatuo nga dunay nagapanghitabo nga EJKs sa implementasyon sa war on drugs samtang 20% niini ang wala nituo.
RadyoMan Renz Barbarona
