Temporaryong gidili sa dakbayan sa Malaybalay ang pagpahigayon sa bisan unsang contact sports ug mga non-essential gatherings gumikan sa padayon nga pagsaka sa kaso sa Covid-19.
Kini basi sa Executive Order no. 170 series of 2022 nga gipagawas sa dakbayan sa Malaybalay adtong milabayng Lunes pinirmahan ni Mayor Florencio T. Flores Jr.
Basi niini, gibawalan usa ang pagpahigayon og bisan unsang contact sports sama sa Basketball, volleyball ug uban pa.
Gidid-an usab ang mga non-essential mass gatherings ug mga kalihukan gawas nalang kung naiskedyul daan sa wala pa ang kamanduan apan pagamonitoron sa Malaybalay City Covid-19 Operation Center (EOC) aron nga masiguro ang striktong pagsunod sa minimum public health standards.
Padayon usab nga ginamonitor sa dakbayan ang padayon nga pagsaka sa ihap sa mga kaso sa Covid-19 ug gidahom nga dili na mugrabe pa ang mga matakbuyan sa maong sakit.
Facebook Comments
