Wala sang klaro kon mapaidlaum sa state of Calamity ang Probinsya sang Iloilo bangud sa malapad nga epekto sang El Ninio Phenomenon sa mga pananum sa kabanwahanan.
Ini matapos ginbalabagan ni Third District Board member Manny Gallar ang pag-aprobar sang resolusyon sang Provincial Disaster Risk reduction and Management Office ukon PDRRMO nga ipaidlaum sa state of calamity ang probinsya agud mapaguwa ang kapin sa 29 milyones pesos nga pondo para mahatagan sang bulig ang mga mangunguma.
Ginsuhestyon ni Gallar nga antis aprobahan ang resolusyon, dapat nga ibalik ini anay sa Committee on Disaster kag Committee on Agriculture agud matun-an sang maayo kon bala dapat gid man nga magdeklarar sang state of calamity sa probinsya sang Iloilo.
Facebook Comments
