Roxas City, Capiz – Gin-athag sang Commission on Higher Education (CHED) nga indi kinahanglan nga ipa-isol sang mga kolehiyo kag unibersidad ang pagbukas sang ila nga klase. Ini matapos i-anunsyo sang Department of Education (DepEd) nga ang pagbukas sang klase ang igasaylo sa October 5, 2020. Suno kay CHED Chairperson Prospero De Vera III, sakop lamang sang pag-isol sang school opening amo ang basic education ukon halin sa kinder tubtob Grade 12. Ang higher education ang nakapagkit sa idalom sang Republic Act No. 7722 okun CHED law kun sa diin ginahatagan ang mga kolehiyo kag unibersidad nga gamiton ang ila nga academic freedom. Gin-insister ni De Vera, indi sang dulolongan ang pagbukas sang mga unibersidad bangud indi man sang pareho ang tagsa nila ka academic calendar.
