Pagpakamatay sa usa ka lalaki kapulisan walay nakitang foul play

8

South Cotabato–Gikumpirma ni Police Major Joseph Forro ang Chief Of Police sa Banga PNP nga walay nakitang foul play sa kamatayon sa usa ka alyas Welmar,hamtong ang pangidaron, minyo ug residente sa Purok Pag-Asa,Brgy.Punong Grande, Banga South Cotabato kansa nagpakamatay niadtong milabay nga mga adlaw pasado alas 5:00 sa kadlawon.

Sumala pa ni Forro nga basi sa pamahayag sa asawa niini nga niadtong panahona sa pikas kwarto matud pa natulog ang iyang bana ug sa dihang giadtoan niini sa sayong kabuntagon nakurat na lamang kini gumikan kay iyang nakita nga wala nay kinabuhi ang iyang bana nga nagbitay sulod sa kwarto.


Pagpaklaro usab sa opisyal nga usa sa gilantaw nila nga hinungdan sa pagpakamatay sa nasampit ang gihambin niining panakit sa ulo ug dili makatulog basi usab kini sa pamahayag sa asawa niini.

Saysay man usab sa opisyal nga walay mga suicide note nga gibilin si alyas Welmar bag-o kini nagpakamatay kundili kadto lang gyud ang panakit sa ulo nga gibati niini ug dili makatulog ang gituohang hinungdan sa pamilya sa kamatayon niini.

Nagtuo usab si Forro nga duna pay laing hinungdan sa pagpakamatay sa nasampit apan dili lang kini ibutyag sa pamilya nga kinahanglan usab nga respetuhon.(Reynald Tinario)

Facebook Comments

From Advertisers