General Santos City—Patay sa pagpanigbas ang usa ka Pablo Siera, 79 anyos nga taga Barangay Batolaki, Glan, Sarangani Province.
Sa Report sa Glan PNP nasuta nga nag-inum ang biktima ug ang suspetsadong si Florencio Bernal, 55, residenti sa maong lugar.
Dihang nangahubog, naglalis ang mga nasampit nga misangko sa pagpanigbas. Nakaangkon ug 10 ka mga samad tinigbasan ang biktima nga hinungdan sa iyang kamatayon.
Malampuson sab nga nasikop ang suspek pinaagi sa enisyatibo sa mga Opisyal sa barangay ug mga Barangay tanod.
Sa karon giandam na sa kapulisan ang kaso batok sa suspetsado.
Facebook Comments
