Malaybalay City, Bukidnon – Subling gipasabot sa Social Security System kon SSS nga mahimong savings ang contribution niini.
Kini human sa planong pagpataas sa kontribusyon rate sa SSS.
Sa interview sa RMN Malaybalay ngadto kang SSS Chairman Amado Valdez, gipasabot niini nga ang kontribusyon sa mga miyembro dili mawala ug matigom kini.
Sa panahon matud pa nga moretiro ang usa ka miyembro gikan sa trabaho aduna kini madawat nga pension nga ibalik sa SSS nga mas dako pa.
Matud ni Valdez nga dakong tabang kini sa mga miyembro kung moretiro na aron dili na mangita pa ug laing panginabuhian.
Sigun niini nga kung dako ang kontribusyon nga matigom mas dako usab ang pension nga madawat.
Dungan sa planong pagpataas sa contribution rate sa Social Security System kon SSS, gitakda usab ang pagpalambo sa mga benepisyo alang sa mga miyembro.
