South Cotabato–Nagpabilin sa sobra 100% ang occupancy rate sa tanang hospital sa gobyerno sa South Cotabato. Kini ang gikumperma ni South Cotabato Provincial Health Officer Dr. Rogelio Artudido, Jr..
Sumala niini ginadagsa ang mga ospital sa gobyerno gumikan na usab sa gipatumang “No Balance Billing”sa Philhealth.
Tungod niini nagpadayon karon ang ginapatumang extension sa mga ospital sa gobyerno sa probinsya aron nga macater ang tanang mga pasyenting mahidangat.
Nasayran nga mukabat sa P200 milyones ang gitagana ngadto pagpalapad sa Provincial Hospital sa probinsya ug samtang mukabat sab sa P12 milyones ang gigahin alang sa pagtukod sa ikaduhang andana nga Norala District Hospital.
Mukabat sa P148 milyon ang gigahing pondo gikan sa nasudnong kagamhanan alang sa dugang nga pagtukod sa Upper Valley Community Hospital nga gihimo nang Regional Medical Center. (Synymer Carisma Obena)
