Sumala ni CTTMO Chief Ret. Col. Jun Abude nga kabahin sa Traffic Plan ang pag-one way sa mga kadalanan sa Wireless Cemetery – Father Selga, Torres St., kanto Lopez Jaena, Chinese Cemetery – one way sa DMSF road, Sarenas St., padulong sa Bacaca Road, Buhangin Memorial Park – one way gikan Millan padulong sa Mamay Extention lahos sa Simbahan sa Gehovas Witnesses, ang mga bus nga gikan sa Ma-a mo left turn aron muagi sa Sandawa lahos sa DCOTT, kun muhuot na ang dagan sa mga sakyanan sa Davao Memorial Park mag no-entry na ang Mac Arthur Highway ingun man Quimpo Blvd. Ang mga sakyanan nga gikan sa South area nga padestino mulahos sa Quimpo Blvd dayong right turn sa University Avenue padulong na sa Tulip Drive ug Mc Arthur Highway.
Matud ni Abude nga bastante na ang kapin 500 ka mga personahe sa CTTMO nga ideploy sa mga kadalanan sa 9 ka mga sementeryo diin gibahin kini sa Nobyembre 1 ug 2.
Gihangyo ni Abude ang publiko nga sundon ang regulasyon nga muabli ang menteryo alas 6 sa buntag ug manira kini alas 10 sa kagabhion.
Nag-awhag usab ang opisyal nga kun mahimo mupalit nang daan ug mga kandila, bulak ug posporo ang mga managkutay sa menteryo aron nga dili na kini sa mga daplin sa karsada mupalit ilabina kadtong mga adunay sakyanan nga mupahuot sa dagan sa Trapiko.
RadyoMaN Erin Lumosbog
