Pagpamaril sa banwa it Numancia, 3 patay ag 2 ninahan

KALIBO, AKLAN — Tatlo rong patay ag 2 rong ninahan matapos nga mag eontad rong pagpamaril kabii sa peryahan sa Brgy. Camansi Norte, Numancia, Aklan.
Ro mga biktima hay sanday Walter Rembulat, 42-anyos; Rogelio Saron 56-anyos; Jeconi Isidro, 35-anyos tanan meyembro it Brgy. Tanod ag residente man it nasambit nga lugar.
Samtang ginabueong pa sa ospital si Danilo Villorente, 43-anyos ag meyembro man it Brgy. Tanod pero rong 9-anyos nga ungang babaye hay out patient
Sanday Rembulat ag Saron hay una nga gindaea sa hospital pero gin deklara nga dead on arrival matapos nga makaangkon it multiple gunshot wounds.
Samtang si Isidro hay ginbawian man it kabuhi samtang nga ginabueong sa hospital.
Sa report nga una nga ginbaril it suspek si Walter Rembulat it asod-asod sa sueod mismo it peryahan, nga kung sa siin naabtan it ibang tanod ag pumueoyo rong suspek ag ginkuyog..uwa mapan-uhi ko iba nga rong suspek hay may kaibahan pa ag rato man ro nagbaril sa iba nga mga naigoan.
Sa makaron hay indi pa gid ma establisar it mga kapulisan kung ano gid rong motibo sa nasambit nga krimen apisar may mga ginpahayag si Punong Brgy. John Maribojo nga ko Martes hay may natabong ginagamo sa sangka birthday party it mga borders nga naga ukopar sa baeay ni Gerald Moises ag rato rong ginrespodehan ko mga Brgy. Tanod ag ni PB Maribojo.
Pagkatapos kara pagka aga hay may mag ginpahayag ro mga boarders ngato nga kuno ginsakit sanda ni PB Maribojo ag ko mga tanod nga nag responde ag may mga pagpamaeag pa gid rayon sanda nga bago sanda bumalik sa Boracay hay pus-on rong ueo ni kapitan ag uwa sanda it ginakahadlukan.
Na recover sa crime scene rong empty cartridge ag empty shell it cal. 45 ag rong bonet nga gin gamit it suspek.
Padayon pa makaron rong imbestigasyon it Numancia MPS sa nasambit nga krimen para makilaea ag madakpan ro mga responsable.

TAGS DYKR NUMANCIA CAMANSI NORTE WALTER MARIBOJO

Facebook Comments