ILOILO City – Ginpasiguro ni PCSupt John Bulalacao, Director sang PRO 6 nga indi kahimuan sang kapulisan ang pagpamatay sa Western Visayas.
Ini ang ginpahayag ni Bulalacao sa tunga sang mga espekulasyon nga may kahilabtanan ang pulis sa mga pagpamatay kasunod sang serye sang shooting incidents nga naga-involved sang mga drug personalities sa rehiyon.
Suno kay Bulalacao, ila ginatinguhaan nga masabat ang isyu kag ila man ginahimo ang tanan agud masolusyunan ang pagpamatay.
Ginpahayag man ni Bulalacao nga advocate siya sang human rights kag nagaka-akig siya kun may violations ang mga police.
Natabuan lang suno sa iya nga nagluntad ang mga pagpamatay sa iya panahon bilang director sang Police Regional Office 6.
Dugang nga pahayag ni Bulalacao, gina-obserbar niya ang due process.
Photo via Police Regional office 6
