Gikabalaka ni Konsehal Reuben Daba, Chairman sa komite sa social services ang sunod sunod nga panghitabo nga pagpangbato sa mga sakyanan nga gikaangol sa mga biktima.
Matud ni Konsehal Daba nga usa ka concern citizen ang nagpadangat kaniya og sulat nga ang iyang pamilya biktima sa pagpamato diin naigo sa ulo nga bahin ang iyang sakop sa pamilya human gilabay sa bato sa wala mailang responsable sa Barangay Kauswagan.
Nakadawat usab kini og impormasyon sa susamang panghitabo sa pipila ka mga barangay ning syudad nga matod pa adunay mga nasamdang biktima gawas pa sa damyos nga nahiaguman sa mga sakyanan.
Alayon niini, nanawagan ang konsehal nga ipatuman unta matag karon ug unya ang pagpatrolya sa kapolisan sa ilang mga tagsa tagsa ka hurisdiksyon.
Samtang, giduso na usab ni bise mayor Kikang Uy ang maong taho ngadto sa buhatan sa kapolisan alang sa tukmang aksyon ug solusyon.
