Davao City – Nagpadayon sa pagkakaron ang imbestigasyon sa kapulisan labot sa pagbusikad sa usa ka balay alas-10:00 pasado Martes sa gabii sa Purok Dahlia, Visayan Village, Tagum City.
Atol sa interbyu kang Tagum City Police Office Spokesperson Capt. Anjanette Tirador, ginasuta pa kung unsa ang motibo sa maong pagpangharrass.
Sa inisyal nga imbestigasyon nasayran nga ang balay iya ni Fredelyn Cuba diin walay tao sulod sa maong gambalay niadtong higayona.
Gilabayan og gituohang MK2 Fragmentation grenade ang nakapadlock nga panimalay.
Atol sa pagbusikad, na damyos ang glass door sa maong gambalay ug pipila ka bahin niini.
Daling miresponde ang K9 unit sa Police Mobile Force Company sa Davao del Norte alang usab sa pagsuta sa posibilidad sa secondary explosion.
Narekober sa Explosive Ordinance Division Team og safety lever fragments sa hand grenade ug detonator na kasamtangang anaa sa ilang kustodiya.
Pagpaklaro ni Tirado nga walay natala nga casualty sa maong insidente.
RadyomMaN Jason Amisola
