Pontevedra, Capiz- Patay ang isa ka retired police sa bunggoanay sang ginamaneho sini nga motorsiklo kag kasugata nga motor sa Brgy Lantangan banwa sang Pontevedra alas 4 sang hapon.
Ginkilala ang biktima kay Ruben Bofill, 55-anyos ang pang-edaron kag residente sang Poblacion Ilaya, Panay, Capiz nga nag-angkon sang patal nga pilas sa lawas.
Samtang pilason man kag ginabulong sa isa ka pribado nga ospital diri sa syudad sang Roxas ang nakabunggoan sini nga nakilala kay Jhon Patrick Golero y Ferrer.
Suno sa inisyal nga imbestigasyon sang kapulisan, wala makontrol sang biktima nga si Bofill ang manibela sang ginamaneho sini nga motorsiklo kabangdanan nga nabunggo sa kasugata nga motor nga ginamaneho naman ni Golero.
Bangud sa kabaskugon sang pagkabunggo, nagtabog pa ang biktima nga si Bofill sa kanal. Ini ang nag-angkon sang patal nga pilas sa ulo kabangdanan sang iya kamatayon.
photo(c)- TTO
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
