General Santos City—Gipalawman pa sa Police Station 3 ang ilang imbistigasyon kalabutan sa nahitabong kamatayon sa usa ka Computer Technician nga nailang si Raymond Buenaventura Rivera, 41 anyos ug nanimuyo sa Yumang Street, Barangay Lagao kansa una nang gipusil sa wala pa mailhing suspetsado sulod mismo sa panimalay niini.
Sumala pa ni Police Major Benhur Catcatan ang hepe sa Police Station 3 nga sa ilahang nahimong insisyal nga imbistiogasyon posibleng gisulod sa suspect ang biktima ngadto sa iyahang panimalay ug samtang nagtalikod, siya gipusil igo sa iyang ulo nga bahin.
Nakuha sa crime scene ang usa ka basiyo ug balines sa kalibre 45 nga armas.
Samtang gikabutyag usab ni Catcatan nga kanhi na nga napreso ang biktima tungod sa kaso kalabutan sa droga pipila na ka tuig ang nakalabay.(Dave Silagan)
