General Santos City—Gihingusgan ni Police Superintendent Romeo Galgo ang tigpamaba sa Police Regional Office-12 nga kayang sulbaron sa kapulisan ang mga nahitabong pagpamusil sa syudad sa Gensan.
Sumala pa niini nga adunay ginasunod nga stratihiya ang kapulisan aron nga masulbad ang maong mga krimen. Una niini ang ilahang lambat sibat ingon man aduna usay ginapahigayon nga evaluation ang kapulisan sa mga krimen nga nahitabo ug pinaagi niini ilahang mapa-improve ang ilahang ginahimong imbistigasyon ug pagbantay sa siguridad.
Samtang ang ikaduha mao ang pagpangalap ug ebidensya aron nga masayran ang mga suspect ug mapasakaan ug kaso.
Daku usab matud pa nga tabang ang ginahimo sa intelligence report aron nga masayran ang mga posibleng responsible sa mga pag pamusil sa mga biktima hinungdan nga kampante si Police Superintendent Galgo nga adunay katakus ang kapulisan sa pagsulbad sa mga pag pamusil sa syudad. (Kasamang Dave Silagan)
