General Santos City–Padayon anmg ginahimong imbistigasyon karon sa Police Station 4 kabahin na sa lain na usab nga pagpamusil patay sa usa ka security guard sa Las Villas Subdivision nga gi-ilang si Abdul Akay hamtong ang panuigon ug temporaryong nanimuyo sa Johny-Ang Paradise nga lumad sa Isulan Sultan Kudarat, alas 3:47 ang takna sa kaadlawon sulod sa mismong subdivision nga gibantayan niini.
sumala pa ni PCI Hoover Antonio ang chief of police sa Police Station 4 nga personal grudge ang ilang ginatan-aw nga motibo karon sa pag pamusil kung diin niadtong mga milabay nga bulan aduna matud pay nakabingkil ang biktima tungod sa pag nhimo niini sa iyahang trabaho.
miabot matud pa sa punto nga nagareglo sa barangay ang mga nasangpit, dugang pa ni PCI Antonio nga lakip usab nga ibutang nila sa ilahang person of interest ang tawo nga nakabingkil sa biktima ug sutaon kung unsa na nahitabo sa ilahang kaso ngadto sa barangay.
Sa kasamtangan padayong nagapangalap ug ebidensya ang kapulisan kabahin na sa mga suspect nga mi pusil sa nasangpit nga gwardya kung diin ilaha nang ginasuta nga mga CCTV Footage sa mga panimalay nga anaa sa palibot sa crime scene.
Sumala pa ni PCI Antonio nga sa atubangan unta sa crime scene adunay usa ka panimalay nga adunay cctv nga naka atubang kung asa gi pusil ang biktima apan dili matud sila maka kuha ug kopya tungod kay wala garecord ang na sangpit nga cctv. Samtang usa usahon matud pa nila ang mga balay nga posibleng giagian sa naka motor nga suspect nga adunay CCTV. (Dave Silagan)
