General Santos City—Rido ang usa sa mga anggulong gitutukan karon sa Police Station 1 sa pagpamusil sa usa ka multicab driver kansa una nang gipusil sa wala mailhing suspek samtang nag huwat ug pasahero sa kilid sa Plaza Heneral Santos, Pasado alas 6:00 ang takna sa gabie, kagahapong adlawa.
Sumala ni Police Chief Inspector Jovenson Bayona, Hepe sa Police Sation 1 nga subay sa inisyal nilang pakighinabi sa pamilya sa biktimang si Ocmar Lucman, 46 anyos, nga taga Purok Lanton, Barangay Apopong, Gensan, rido ang ilang gidudahan nga motibo sa pagpamusil sa biktima nga nahimong hinungdan sa iyang kamatayon.
Wala hinuon gidetalye sa mga nahisgutan kung si kinsang mga tawo ang ilang gidudahan nga responsabli sa krimen.
Gikumperma usab ni PCI Bayona nga natuyok na nila ang mga CCTV sa mga establisyimento, apan walay nakuha nga footage sa insidente. Tungod niini nangita pag laing mga establishemento ang kapulisan nga dunay CCTV Camera sa pamasin nga nakuhaan ug footage ang nahitabong pagpamusil.
