General Santos City—padayon pa ang ginahimong imbistigasyon sa Police Station 3 kabahin sa pagpamusil sa bitkimang si Mac Robert Gasque, legal age, residenti sa Purok New Mabuhay, Barangay Mabuhay Gensan.
Kahinumduman nga una nang gipusil saw ala pa mailhing suspek ang biktima alas 4:30 ang takna sa kaadlawon niadtong milabay nga adlaw gawas nga bahin sa Explore Bar nga nahimutang sa Bula-Lagao Road. Nakaangkon ang biktima ug samad sa iyang tiil nga bahin.
Sumala ni Police Chief Inspector Peter Pinalgan Jr. , hepe sa Police Station 3, nga basi sa ilang imbistigasyon, personal grudge ang usa sa mga gitumbok nilang motibo sa pagpamusil sa nasangpit nga biktima.
Wala pa usab matumbok ang ilhanan sa suspek tungod wala namay-ungan sa mga testigo ang dagway niini.
Sa karon nagpaalim nalang sa iyang samad nga naangkon ang biktima sa ospital, samtang nagpadayon usab ang imbistigasyon sa kapulisan. (Dave Silagan)
