South Cotabato — Padayon pa ang gihimong imbistigasyon sa kapulisan kalabutan sa pagpamusil patay sa usa ka mag-uuma nga natigayon sa Purok Waling Waling, Barangay Lampari, banga South Cotabato nga natigayon niadtng Hulyo 19.
biktima giilang si Antonio Corpuz Seguin, 46, minyo, mag-uuma, residente sa samang lugar.
Nasayran nga una nang gipusil ang biktima samtang kini naglingkod lang sa Kusina sa ilang panimalay uban sa iyang mga paryente.
Gikaingong samtang nag inum ang biktima uban sa iyang mga kabanay nakadungog nalang sila ug tulo ka sunod sunod nga buto sa pusil. Pila lang ka gutlo nisyagit ang biktima nga matud pa aduna syay igo pinusilan sa lawas.
Dihang gisuta samad sa tiyan ingon man sa duha niini ka mga paa ang naangkon sa biktima, dali kining gidala sa hospital apan nakabsan gihapon kini sa iyang kinabuhi. Sa karon nagpadayon pa ang gihimong follow-up investigation sa PNP aron nga masayran unsay motibo sa krimen ug kinsa ang suspetsado niini.
