North Cotabato—Padayon ang gihimong imbistigasyon sa Kapulisan kalabutan sa pagpamusil patay sa usa ka Negusyante sa lungsod sa Pikit, probinsya sa North Cotabato niadtong nakalabayng gabie.
Giila ni Police Ser. Inspector Mautin Pangandigan, Chief Of Police sa Pikit Municipal Police Station ang biktima nga si Tutol Kamaludin, 50 anyos, minyo, negosyante ug residente sacBarangay Galakit sa lungsod sa Pagalungan Maguindanao.
Sa inisyal nga imbistigasyon sa kapulisan nasuta nga nga isara na unta sa biktima ang gate as ilang tinadahannga nahimutang sa Matalam Street Poblacion Pikit apan kalit lang mibutho ang duha ka mga suspek nga sakay sa motorsiklo dayon gipusil ang biktima pila ka higayon nga hinungdan sa iyang kamatayon.
Nasayran nga gidala pa sa ospityal ang biktima apan gideklara kining dead on arrival. Narekober gikan sa crime scene ang baseyo sa Caliber 40 nga pusil kansa gigamit sa mga suspek sa pagpamusil sa biktima.
Sa karon ginasuta pa sa kapulisan ang motibo sa maong krimen.
