General Santos City–Gikumperma ni Police Lieutenant Col. Samuel Cadungon ang Chief Of Police sa Polomolok Police Station nga padayon pa ang ilang gihimong imbestigasyon sa kamatayon sa usa ka sabongerong si Errol Dizon, hamtong ang pangidaron residente sa Purok Makugihon, Brgy.Klinan 6, Polomolok.
Sumala pa ni Cadungon nga wala pa silay matumbok kung unsa ang motibo sa pagpusil patay sa biktima og giasoy usab niini nga nalambigit usab ang nasampit sa illegal nga mga gimbuhaton og subject sa search warrant niadtong 2014.
Samtang aminado usab ang opisyal nga malisdan sila sa pag-ila sa suspek gumikan kay ngitngit ang lugar nga nahitaboan og walay cctv camera sa lugar nga nakabutang.
Kahinumduman nga gikan sa sabungan sa Polomolok ang biktima dihang nakit-an na lamang nga walay nay kinabuhi sa Purok Dimaclid Brgy.Cannery Site sa maong lungsod nga dunay igo pinusilan sa iyang tangkugo nga bahin.
