Bukidnon – Nagpahimangno ang Land Transportation Office kon LTO region 10 nga dili lamang sa pipila ka dapit epektibo ang pagpanakop sa mga modified muffler kon bura-bura kon dili usa kini ka nationwide nga balaod.
Reaksyon kini sa LTO human nga hugot nga gipatuman sa Valencia City ang pagpanakop sa mga bura-bura.
Sa interview sa RMN Malaybalay ngadto kang LTO 10 Regional Director Oscar Salcedo, gibutyag niini nga tibook rehiyon kining gipatuman apan aduna lang gyoy local government unit nga naghingusog sa pagpatuman niini susama sa Valencia.
Hinoon adunay duha ka opsyon nga gihatag sa law enforcers sa mao nga siyudad mao ang isyuhan ug TOP o tangtangon ang ilang tambutso.
Gihatagan usab sa pagtagad niini nga daghan na ang nagreklamo sa saba nga mga tambusto sa mga motor.
