General Santos City–Pagpang-bully matud pa ang hinungdan nganong naghikog patay ang 32 anyos nga babaye nga si Girly Estopar nga taga Barangay Koronadal Proper P, Polomolok, niadtong nakalabayng adlaw. Kini ang nahimong pamahayag ni Kapitan Joner Magbanua sa naasoyng barangay human nahinabi sa Rmn Gensan News Team.
Sumala pa sa kapitan nga gina-bully matud pa ang biktima sa iyaha ra pod nga mga kabanay tungod sa iyang pagka-single mom gani misangko kini sa pagkasuhanay og miabot pa sa korte.
Apan human natambagan sa simbahan gi-withdraw sa biktima ang kaso apan ang nahitabo padayon lang gihapon siyang gina-bully sa mga nasampit og wala na matud pa kaagwanta si Estopar hinungdan nga nakahuna-huna kini sa pagkutlo sa iyang kinabuhi.
Kahinumduman nga niadtong milabyng mga adlaw nakit-an na lamang ang biktima sa anak niini nga 5 anyos nga nagbitay na sa kusina sa balay sa iyang gitrabahoan nga wala nay kinabuhi. (Reynald Timario)
