Hugot nga ginadilian ang pagpangampanya sang mga politiko sa selebrasyon sang Iloilo Paraw Regatta Festival 2019.
Ini ang gin-athag sang Iloilo Paraw Regatta Foundation Inc. ukon IPRFI
Ginpahayag ni IPRFI President Ronald Sebastian, ila abi-abihon ang presensya sang mga politiko, lokal man ukon nasyonal apang indi sila mahimo makapalayag sang speech sa highlight sang festival.
Nagapati si Sebastian nga pinaagi sini, malikawan ang isyu sang pamolitika sa Paraw Regatta nga isa ka okasyon sang pumuluyo kag indi sang mga politiko.
Pagahiwaton ang highlight sang pinakadaku nga paindis-indis sang mga paraw sa bilog nga Asya sa maabot nga Domingo, Pebrero 17 sa Villa, Arevalo.
Facebook Comments
