Gibana-banang mokabat sa 300-mil pesos ang damyos sa sunog nga nahitabo sa Barangay Macasandig atbang sa Macasandig Elementary School ning dakbayan kaganihang buntag.
Matud ni Fire Inspector Sam Velarde sa Bureau of Fire Protection nga mga alas 11:05 kaganihang buntag nila nadawat ang report sa maong sunog, na undercontrol alas 12:08 sa udto ug na fire out mga ala 1:40 sa hapon.
Sa inisyal nga imbestigasyon nasayran nga unang nasunog ang eatery nga gipanag-iyahan sa usa ka Elmer Tambis nga dunay nagluto unya gibiyaan.
Nasayran usab nga mokabat sa kapin kon kulang napulo ka balay ang nasunog nga kasagaran dunay kan-anan ug sari-sari store.
Gibana-bana usab nga mokabat sa kapin kon kulang kinse ka pamilya ang naapektohan sa maong sunog nga temporaryong nagpasilong sa Macandig Elementary School covered court.
