General Santos City–Andam na matud pa ang ilatag nga seguridad sa General Santos City Police Office alang sa umaabot nga kapistahan sa Senior Sto. Nino karong petsa 15 ning bulana sa Barangay Bula kung asa gilauman nga dagsaon kini ug daghang mga diboto sa nagkadaiyang parte sa syudad sa Gensan.
Sumala pa ni Police Chief Inspector Bryan Oneil Salvacion, hepe sa Police Station 6 nga nagpahigayon na sila ug coordinating meeting sa tanang ahensya nga adunay partisipasyon sa pagbantay sa seguridad sa maong kapyestahan.
Strikto ug hugtanon ang ipatumang siguridad sa kinatibuk-ang barangay aron nga luwas ang tanang makipyesta sa Senior Sto Nino.
Gibutyag man usab ni PCI Salvacion nga adunay ipatuman nga mga rerouting sa agianan sa sakyanan, samtang gi lauman man usab ang grabing trapik sa maong adlaw hinundang nga mihangyu si PCI Salvacion sa mga adunay mga sakyanan nga kung mamahimo dili nalang kini dad-on pasulod sa Barangay Bula aron nga dili na maperwesyo.
Samtang gihangyo usab niini ang mga ginikanan nga dili magdala ug mga gagmay nga bata panahon sa prosesyon aron nga dili maipit sa kadaghang tawo nga gilauman nga mudagsa. Nasayran nga mukabat sa 20 mil hangtud sa 23 mil ka mga tawo ang gilauman nga mudugok sa Barangay Bula atol sa Pyesta ni Sr. Sto. Nino. (Dave Silagan)
(Photo From Web)
