Giangkon ni Aminoden Guro ang Regional Director sa Land Transportation Franchising and Regulatory Board kon LTFRB region ten nga adunay mga jeepney operators ning syudad ang nangayo og dugang umento sa singil sa pletihan.
Matud ni Director Guro, nga particular nga nagpetisyon mao ang grupo sa transporter ug NCTU ning syudad, ug usa pa nga grupo gikan sa Iligan City.
Dugang pa ni Guro, nga sa gihimong public consultation niadtong bulan sa Setyembre sa milabay nga tuig, taas ang presyo sa lana hinungdan nga gihimong otso pesos ang pletihan.
Apan ning bag-o, miabot ang usa ka memorandum circular nga adunay basic formula, diin dili na kinahanglan nga mag-file og petisyon alang sa increase sa pletihan ang mga transport operator tungod kay kinahanglan nga sundon kinim kung ugaling adunay pagsaka sa presyo sa lana.
