Gibutyag karon sa Regional Anti-Cybercrime Unit sa Philippine National Police (PNP)-Northern Mindanao nga usa sa ilang ginatutukan nga kaso sa karon mao ang pagpangbugaw sa mga bata online.
Sa interview sa RMN Malaybalay ngadto kang Police Lt. Col. Lemuel Gonda, ang hepe sa Anti-Cybercrime Unit sa PNP 10, gibutyag niya nga mas ginapahugtan nila karon ang ilang kampanya batok sa Online Sexual Exploitation of Children (OSEC).
Sumala niya nga pipila sa mga nalambigit nga mga suspek sa maong krimen mao ang personal nga mga ginikanan, guardian o di ba kaha adunay gabugaw sa mga bata nga gipaagi sa online.
Dugang pa usab ni Gonda nga ginatutukan usab nila ang uban pang mga kaso sa pag-abuso nga gigamitan og mga gadgets sama sa cellphone, computer ug uban pa.
Nakalatay sumala pa sa RA 9175 kon ang Cybercrime Prevention Law diin maprotektahan ang mga ginaabuso pinaagi sa pagpakatag sa social media.
Facebook Comments
