Pagpanghatag og social pensions, nagpadayon!

19
Nalipay ang mga senior sa dihang natunolan sa cash assistance. Photo by Cagayan de Oro CIO

NAGPADAYON karon ang payout sa social pension alang sa kapin 7,200 ka mga senior citizens sa dakbayan.
Kini ubos sa programa sa Department of Social Welfare and Development inabagan sa lokal nga kagamhanan pinaagi sa City Social Welfare and Development Office.
Gilauman nga makadawat ang matag senior citizen sa tag-P3,000 nga pensyon sulod sa unom ka bulan sa tuig 2021 ug alang kini sa mga qualified indigent senior citizens.

Gisugdan ang paghouse-to-house delivery sa social pension niadtong Abril 27 ug gikatakdang matapos ang payout karong Mayo 21 ning tuiga.
Ihatod ang social pension sa tagsa-tagsa ka panimalay sa mga benepisyaryo isip pagpatuman sa health protocols ilabina nga gidid-an sa paglakaw-lakaw ang mga indibidwal nga nag-edad 65 anyos pataas ilabina gayud kadtong adunay gihambin nga sakit.
Source: Cagayan de Oro CIO
Facebook Comments