Epektibo na ang pag-suspendi una sa Provincial Governemnt of Bukidnon sa pagpanghatag ug ayuda o financial assistance to indigent families in crisis situation (AIFCS) sugod niadtong abril 14, 2018 hangtud sa katapusan sa Mayo 2018.
Sa interview sa RMN Malaybalay ngadto kang Hanzel Echavez, ang Supervising Admin Officer sa Public Affairs, Information, and Assistance gibutyag niini nga ang pag-suspendi tungod sa gipatuman sa comelec nga election ban basi sa resolution no. 10246, sec. 104 sa omnibus election code nga nagdili sa pagpanghatag ug donasyon (donation), gasa (gift), kwarta o bisan unsang butang (in any kind) panahon sa election.
Matud ni Echavez nga ang AIFCS subli nga magbukas karong Hunyo 6, 2018 (unang Miyerkules sa bulan) alang sa mga musunod nga lungsod sa unang distrito: Baungon, Talakag, Malitbog, Libona, Manolo Fortich Ug Sumilao nga ipahogayon ang Peoples Day didto sa Manolo Fortich Gym.
Samtang karong Hunyo 13, 2018, ikaduhang Miyerkules sa bulan, dinhi sa kapitolyo probinsyal sa syudad sa Malaybalay alang sa ikaduhang distrito nga naglangkob sa impasugong, Lantapan, Cabanglasan, Malaybalay City, San Fernando. Ilakip usab sa schedule sa ikaduhang semana sa bulan ang syudad sa Valencia.
Sa Hunyo 20, 2018 ikatulong Miyerkules sa bulan didto sa Maramag Gym alang sa ikatulo ug ika-upat nga distrito sa probinsya nga naglangkob kini sa mga lungsod sa Damulog, Kibawe, Dangcagan, Kitaotao, Don Carlos, Kadingilan, Maramag, Quezon, Pangantucan Ug Kalilangan.
