Davao City – Gikadismaya karon ni Police Major Melvin Joseph Violan, Station Commander sa Presinto Dos, kalabutan sa pagka-aresto sa usa sa niya ka sakop nga pulis ug tulo ka police auxillary human nadakpan sa NBI-XI kinsa nalambigit sa robbery extortion o “kotong” sa mga nagasugal sa may Bucana, Brgy. 76-A siyudad sa Davao.
Gibutyag ni Violan nga mukasa ug kaugalingong imbestigasyon ang San Pedro PS ngadto sa upat ka suspek nga sila Police Corporal Renard Aballe ug kauban police auxillaries nga sila Keeven Tacsan,Crespolo Tacaldo Jr.ug Martin Sergio.
Matud ni Violan nga i-relieve ang pulis samtang ang laing tulo ka i-terminate.
Dugang sa maong hepe nga posibleng mag-atubang og kasong administratibo ang upat ka mga suspek nga anaa karon gikustodiya sa NBI-XI.
Gibarugan ni Violan nga wala siyay pagkulang sa pagpahimangno sa iyang mga sakop nga police nga magtinarong sa trabaho ug dili sagulan og dili maayong binuhatan.
RadyoMaN Don Pulayao
