Pagpanigarilyo sa pampublikong lugar, idili na sa CDO

Ipatuman na sa Oktobre ning tuiga ang hingpit nga pagdili sa pagpanigarilyo sa mga publikong dapit ning syudad sa Cagayan de Oro.

 

Matud ni Konsehal Ma. Lourdes Gaane, Chairperson sa Committee on Health nga sulod lamang sa 45 ka adlaw ang ilang pagpahibalo sa katawhan aron nga dili sila makalitan.

 

Tumong niining masayran sa katawhan sa Cagayan de Oro nga istrikto na nilang ipatuman ang balaod pagdili sa pagpanigarilyo sa mga pampublikong dapit ug kinsa man kadtong mosupak ug masapon ang mag-atubang sa multa.


 

Gibutyag ni Konsehal Gaane nga gihatagan nila sa tukmang panahon ang mga sakop sa Task Force aron susihon ang lokal nga ordinansang ipatuman.

 

Hinuon, adunay igahin nga mga designated smoking area ang syudad kung asa didto lamang mohimo sa pagpanigarilyo.

 

Tungod niini, gimugna ang Smoke-Free Task Force kinsa maoy hugot nga magpatuman sa Executive order 26 ni Presidente Rodrigo Duterte sa pag-ban sa pagpanigarilyo sa pampublikong dapit sa tibuok nasud.

Facebook Comments