General Santos City–Selos kini karon ang gitan-aw sa biktimang si Ramil Mariscal, legal age nga taga Purok Bayanihan, Barangay Fatima Gensan nganong nahimo sa iyang manghod ang pagtigbas kaniya.
Sumala niini nga dugay nang may kasina kaniya ang iyang manghod ug gani dugay na usab siya nga gibikil sa nasampit.
Kaadlawon sa nakalabayng adlaw dihang siya subling gibikil sa iyang manghod nga miresulta gyud sa pagpanigbas.
Dugang pagbutyag ni Ramil nga gawas sa kasina nagdumot usab kaniya ang iyang manghod.
Nasayran nga dihang siya gidunggab sa iyang manghod nisuway pa siya ug sukol apan siya naunhan sa nasangpit mao nga siya nasamdan sa iyang bukton ug siko.
Luyo sa papanigbas sa ,suspek sa biktima wala syay planong pasakan ug kaso ang iyang manghod, sanglit iyang gibutyag nga iyang himuon ang tanan aron nga dili masuko ug masina ang suspek ngadto kaniya aron nga walay gubot nga matigayon tali nilang magsuon.
