General Santos City—Gipalawman pa ang imbestigasyon sa kapulisan sa San Isidro PNP kalabutan sa nahitabong robbery sa ilang AOR sa may Labus National Highway sakop sa Brgy. City Heights kung asa usa ka empleyado nga si Cherry Villanueva ang nabiktima sa duhA ka wala mailhing suspek human niini gikuha ang iyang sling bag nga dunay sulod nga dakong kantidad nga kwarta.
Kahibaloan nga basi sa imbestigasyon sa kapulisan nasuta nga pasado alas 4:00 sa hapon samtang nagbaklay ang biktima gikan sa usa ka bangko nga dunay dalang sling bag ug dunay sulod nga kwarta nagkantida ug 36,500 padulong sa usa ka hardware aron ihatod ang sweldo sa kaubanan niini .
Apan sa paghidangat sa nasampit atubangan sa usa ka establisemento atbang sa usa ka gasolinahan, kalit matud pang gitaparan ang biktima sa duha ka mga lalaki nga nakasakay ug xrm nga motorsiklo kolor pula samtang anga angkas niini maoy mition ug armas sa bitkima nga nakasuot ug blue nga senina, malampusong natangag sa duha ka kawatan ang kwarta nga dala sa biktima.
Nanghinaot na lamang ang biktima nga sa daling panahon mailhan ang mga suspek ug masikop sa kapulisan. (Reynald)
