Dimataling, Zamboanga del Sur – Naglusad na karon makuti nga imbestigasyon ang kapulisan sa lunsgod sa Dimataling human nahitabo ang pagpanunog sa pampasaheroang van bisan adlawan nga dako didto sa kalsada sa Purok 4, Barangay Tinuguangan, Dimataling, Zamboanga del Sur alas 10:15 kagahapon buntag.
Sumala sa driver sa van nga si Eulito Macas Requizo, 46-anyos. Taga- Purok 7, Barangay Sugbay Dos, Pitogo ning probinsya kalit silang gi-atangan sa duha ka wala mailang lalaki nga armado sa wala matino nga matang sa armas.
Gipakanaog ang pasahero og largong giduslitan ang van hinungdan sa pagdilaab ug pagka-ugdaw niini.
Ang driver sa van nga si Requizo daling nitawag sa kapulisan aron magpakitabang rason nga nakaresponde sa lugar ang otoridad uban ang kabomberohan.
Nasayran nga gipanagiyahan matud pa ang Van ni Tata Garban nga residente sa lungsud sa Pitogo.
Ang mga suspetsado daling nisibat paingon sa Dinas, Zamboanga del Sur human nakita nga nagdilaab na ang van.
Gisuta pa sa Dimataling PNP motibo sa maong pagpanunog.
