Pinuri ni Senior Citizen Party-list Rep. Rodolfo Ordanes ang hakbang ng pamahalaan na bakunahan din ang companion o caregiver ng mga senior citizen.
Ayon kay Ordanes, mas tumaas ang vaccine confidence ng mga nakatatanda at mas marami ang na-engganyong magpabakuna.
Iminungkahi naman ng kongresista na tiyaking bakunado na rin ang buong kabahayan kung saan nakatira ang isang senior.
Sa paraan aniyang ito, matitiyak ang micro-herd immunity.
Umaasa naman si Ordanes na agad itong maisakatuparan upang magtuloy-tuloy ang pagdating ng delivery ng bakuna na binili ng bansa.
Facebook Comments
