Manila, Philippines – Lusot na sa ikatlo at huling pagbasa sa Kamara ang panukalang pagpapalawig sa validity ng driver’s license hanggang sa limang taon mula sa kasalukuyang tat*l*ong taon.
Hindi bababa sa 221 na miyembro ng Kamara ang pumabor sa naturang panukala na nagpapatibay rin sa polisiya kaugnay ng pagbibigay ng driver’s license.
Sa ilalim ng nasabing panukala, parurusahan ang opisyal na magbibigay ng lisensya sa isang driver nang hindi sumasailalim sa mga kaukulang examination.
Mapaparusahan din ang aplikante na magbibigay ng mga mali o pekeng dokumento, at pandaraya sa pagsusulit para makakuha ng lisensya.
Pagmumultahin ng dalawampung libong piso ang aplikante, habang ang pasaway na opisyal naman ay mahaharap sa pagkakasibak sa serbisyo.
DZXL558
