Davao City – Suportado ni Davao City Mayor Inday Sara Duterte-Carpio ang pag-uswag karon sa dagan sa kaso sa NCCC Fire.
Gibutyag sa mayor nga nanghinaot kini nga masolbad ang kaso.
“We welcome the legal step na mag-file na og cases ang atong mga prosecutors against didto sa mga tao na giila didto sa report who should answer for and be accountable for what had happen,” gisulti sa alkalde.
Sa kasamtangan mumugna og grupo sa 3 ngadto sa lima ka mga prosecutors si City Prosecutor Nestor Ledesma aron mututuok sa preliminary Investigation sa gipasang-at nga upat ka kasong kriminal sa Inter Agency Anti-Arson Task Force batok sa 33 ka mga indibidwal.
Gipasalig ni Ledesma nga maresolba ang kaso una pa man ang anibersaryo sa trahedya nga nahitabo sa NCCC Mall nga nikalas og 38 ka mga kinabuhi.
RadyoMaN Aimee Guinita
