Pagpasar sang security of tenure bill sa kamara, timely suno sa GAWA

29

Ginakabig ni General Alliance of Workers Association (GAWA) secretary-general Wennie Sancho nga “timely” ang pagpasar sang Kamara de Representantes sang House Bill No. 7036, ang hagna nga nagatuyo pabakuron ang security of tenure sang mga empleyado.Sa interview sang DYHB kay Sancho, welcome development ang nasambit nga tikang ilabi pa subong nga sa tion sang pandemic madamo sang mga empleyado ang wala na sang security of tenure.

Apang mas maayo suno kay Sancho kun mapirmahan ni Presidente Rodrigo Duterte kag ini ang mangin kasuguan agud matapos na ang madugay na nga problema sang mga empleyado nga gina-hire paagi sa mga agency ukon mga contractual sa diin matapos ang anom ka bulan kinahanglan nila nga mag-renew.


Sa idalum sang hagna, ginadumili ang fixed-term employment ukon trabaho nga nagalawig sang pila lang ka bulan, magluwas gid lang sa kaso sang overseas Filipino workers, workers on probation, relievers nga temporaryo nga nagatal-os sa absent pero regular nga empleyado nga indi maglapaw sa anum ka bulan, project employees kag seasonal employees.Nabutang man sa hagna nga ang mga kinamatarong kag benepisyo sang mga relievers, project kag seasonal employees ang pareho man sang ginabaton sang mga regular employees.

Ang mga negosyo nga nagapatuman sang end-of-contract arrangements kag labor-contracting ang posible mangatubang sang administrative penalties ukon posible nga mapasira ang ila nga mga negosyo.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments