Ginlubngan sang NPA member nga ginpatay sa Isabela sang 2018 ginkutkot matapos ang rebelasyon sang isa man ka rebel returnee

23

Ginkutkot sang mga otoridad ang ginlubngan sang ginapahayag miembro sang New People’s Army (NPA) nga ginlubong sa nabukid nga bahin sang Brgy. Rivreside, Isabela, duha katuig na ang nakaligad. Ini matapos gintudlo ni Ka Rey, ang NPA member nga nagsungka sa 62nd Infantry Battalion (IB) Philippine Army damlag pa.

Ang biktima ang ginkilala kay Randy Garsola, 34-anyos sang Brgy. San Agustin, Isabela, santo sa mga pahayag ni Ka Rey, sa diin ini ang ginpatay mismo sang ila mga upod matapos nga luyag na sini nga magpauli agud bisitahon ang iya pamilya.


Suno sa hepe sang Isabela Municipal Police Station nga si Police Captian Joseph Partidas, nag-coordinate sa ila ang militar matapos ang mga rebelasyon ni Ka Rey gani ginkadtuan ang ginlubngan sang biktima. Ginputos sa sako, duyan kag trapal ang bangkay ni Garsola.

Ginpahayag naman sang pamilya nga sang 2018 pa nila ulihi nakita ang biktima matapos ini nga naglisensiya nga magatrabaho sa Cebu. Ginpaidalom na sa DNA test ang mga tul-an sang biktima apang kapin sa napulo ka bulan pa ang hulaton asta maguwa ang resulta.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments