Margosatubig, Zamboanga del Sur – Gipatuman na sugod kagahapong adlawa ang pagsirado sa pipila ka mga establisimento sa lungsod Margosatubig ning probinsya.
Sa gipermahan kamanduan ni Margosatubig Mayor George Minor kagahapong adlawa, ang tanang business establishments kinahanglang isirado arun malikayan ang dili matuyo nga mga panagtapok o panaghiusa sa mga tawo ug malikayan ang pagkuyanap sa Covid 19.
Gisukip usab sa maong EO No. 52 s.2020 nga adunay pipila ka mga establisimento nga gitugutang maka abli gihapon. Kini naglangkob sa merkdo publiko, slaughterhouse, groceries ug convenience stores, mga parmasya ug botika, klinika ug laboratoryo, water refilling stations, mga bangko, pera padala ug remittance center, gasolinahan, puneraria ug mga kan anan apan take out lamang ang pwede.
Gawas niana, gitugutan usab ang magpabiling abli ang mga tindahan sa agricultural supplies, mga planta sa mga nanag-unang palaliton ug ang hardware ug construction supplies.
Estriktong gidili ang pagsuroy suroy sa maong dapit samtang ang mga tindahang gitugutan nga mag abli kinahanglan nga magkunhod sa ilang mga personahe o magpatuman ug work from home arrangement.
Ang si kinsang makalapas sa maong kamanduan posibleng mapasakaan sa kasong paglapas sa RA 9271 o ang mas nailang Quarantine Act of 2004 ug sa RA 11469 o ang mas nailang Bayanihan Act.
