Pagpatay ni SPO3 Mirgado giangkon sa NPA

187

Giangkon na sa rebelding New Peoples’ Army (NPA) ang pagpatay kang SPO3 Reil Morgado, police investigator sa Santiago Municipal Police Station niadtong nakalabyang semana. Sa mensahe nga gipaabot ni Ka Oto, spokesman sa Guerilla Front Committee 16 sa New Peoples’ Army (NPA), gibutyag niini adunay seryosong mga sala si SPO3 Morgado sama sa pagkalambigit niini sa himu-himu nga mga kaso batok sa inosenting sibilyan.
Dakpon lamang unta sa mga NPA si SPO3 Morgado aron taralon sa hukmanan sa walhong grupo apan misukol ang pulis maong gipusil patay.
Dugang pa ni Ka Oto nga inosenti usab ang tulo ka mga habal-habal driver nga gidakop sa Santiago PNP nga nailing sila si Renato Caerlang, 34 anyos; Ryan James Caerlang, 18 anyos ug Riedel Cano Cabello, 26 anyos – pulos residenti sa P-8, brgy. Poblacion 1, Santiago, Agusan del Norte.
Dugtong sa maong balita… Daghan pang mga Police Investigators ang gitarget karon sa rebelding New Peoples’ Army (NPA) ilabina diha sa Kitcharao PNP, Jabonga PNP ug Santiago PNP.
Kini ang bahad sa rebelding New Peoples’ Army batok sa mga imbistigador nga pulis kinsa giingung nagtamo-tomo pagpasaka ug kaso sa mga lumad ug daghan kanila ang padayong nag-antos sa bilanggoan bisan ug walay mga sala.
Wala usab makalikay sa batikos sa NPA ang Police Provincial Office (PPO) sa Agusan del Norte nga mi-raid sa panimalay ni Vice Mayor Glicerio Monton sa lungsod sa Jabonga, tungod kay matud pa planted ang ebidensya nga nakuha sa mga otoridad.
PS. SHOWN IN THE OLD FILED PHOTO IS KA OTO WITH COL AMARO DURING THEIR ONE ONE MEETING YEARS AGO.
Sent from my Samsung Galaxy smartphone.

Facebook Comments