General Santos City—trabaho ang usa sa mga gitudlong motibo sa awtoridad sa pagpatay sa wala mailhing suspek sa pulis nga si PO2 Charlie Liva nga nakabase sa Operation Section sa Surallah Municipal Police Station.
Una nang gibutyag ni Police Chief Inspector Hardimond Sibal, Hepe sa Mursllah Municipal Police Station nga wala syay nasayran nga may nagbahad sa kinabuhi sa iyang sakop. Wala usab kini nasulti kaniya nga duna syay nakalaban.
Usa matud pa kini ka maayong pulis ug mahilig magpasiaw sa iyang mga kaubanan. Aminado usab si PCI Sibal nga dakong kawad-on alang kanila si PO1 Liva tungod usa matud pa kini kakugihan ug matinud-anon sa iyang trabaho.
Una nang gipusil patay sa wala pa maihing suspetsado ang biktima samtang sakay sa iyang motorsiklo sa national highway nga sakop sa Barangay Polonuling Tupi kagahapon sa hapon dihang padulong unta kini sa Police Regional Office 12 aron musubmitar sa iyang dukumento alang sa iyang promosyon.
