South Cotabato–Nagpadayon pa ang imbestigasyon sa Koronadal PNP kalabutan sa kamatayon sa negosyanteng si Jhonny Astrologo, hingkod ang pangidaron, residente sa Brgy. San Roque, koronadal city kansa gipusil patay sa wala mailhing suspek niadtong nakalabay’ng semana sa Purok. San Francisco, Brgy. New Pangasinan sa naasoy’ng syudad.
Sumala pa ni Police Lieutenant Rey Sotelo Investigation Intelligence officer sa Koronadal Police Station nga padulong sa sentrong bahin sa syudad sa Koronadal ang biktima sakay sa gimanehoang elf uban ang mga kaubanan niini sa dihang pag-abot sa lugar dunay kalit mi-overtake nga sakyanan nga Toyota Innova dayon gibabagan ang dalan ug diretso pusil sa biktima sa makadaghang higayon nga hinungdan sa iyang kamatayon.
Saysay pa ni Sotelo nga target lamang gayud sa suspek ang biktima gumikan kay wala gi-apil pagpusil ang mga kaubanan niini nga gilayon man usab naka-ambak sa sakyanan niadtong higayona.
Sa karon personal grudge ug dunay kalabutan sa negosyo ang motibong gilantaw sa kapulisan kalabutan sa maong pagpamusil, samtang wala usab gibalewala sa otoridad ang uban pang anggulo sa posibleng makatabang sa pagresolba sa kaso. (RV)
