Roxas City, Capiz – Isa ka general meeting sa tunga sang mga organizers sang Sinadya Festival ang ginpatigayon kahapon nga adlaw sa Roxas City Hall.
Diri gin-istoryahan ang preparasyon sa nakalinyada nga mga aktibidad para sa selebrasyon sang Fiesta dela Imaculada Concepcion nga maga-umpisa sa Disyembre 5 kag magatapos sa Disyembre 9.
Kalakip sa mga gintalakay amo ang pagligwat sang konsepto sang “Sadsad sa Sinadya” kun sa diin dapat may yara sang bag-o nga beat sa diin himuon nga mangin lively ang tunog sang mga nagasadsad nga tribu kag agud nga maengganyo ang publiko sa pagsaot.
Sa amu man nga meeting, ginsuhestyon ang pagpatigayon sang sale/promo sang mga establisemento komersyal sa Roxas City para nga makumbinser ang publiko nga magkadto sa mga venue sang event.
Samtang lauman nga sa masunod nga semana, magapatawag sang press conference ang organizer para sa pagpinalisar na sang schedule sang mga aktibidades.
photo(c)- Roxas City Communication Group
