Pagpatuman sa Davao Regional Border Control giplastar na

Davao City – Gipangandaman na karon sa mga awtoridad sa syudad sa Davao, ang pagpatuman sa Regional Border Control sugod karong Biyernes (Mayo 14, 2021).

Matud ni Davao City Mayor Sara Duterte-Carpio, ginaplastar na karon sa mga personahe nga ma-assign sa checkpoint kung unsaon pagpatuman, ang border guidelines base sa Regional Inter-Agency Task Force (RIATF) ug Regional Task Force (RTF)-XI diin mas estrikto na ang checkpoint alang sa non-essential travelers.

“Ang atoang Executive Order (sa regional border control), ang iyahang effectivity shall take effect on 12:01am of May 14, 2021 because kinahanglan mangandam ang checkpoint paunsa sila mag-implement sa joint resolution sa RIATF ug RTF,” matud sa alkalde.


Gibutyag sa alkalde nga usa lamang ka border ang Davao padulong sa laing rehiyon nga mao ang Lumondao checkpoint sa Marilog diin dinhi susihon kung makonsiderang Authorized Person Outside of Residence (APOR), ang moaging biyahero ug kung dili, obligadong silang mopakita og negative result sa RT-PCR (reverse transcription polymerase chain reaction) test.

“Isa ra ang atong (Davao regional border) checkpoint, kanang sa Lumondao diha sa Marilog area which is the entry of certain parts of North Cotabato and entire area gikan diha sa Bukidnon,” matud ni Duterte-Carpio

RadyoMaN Kirby Manzon

Facebook Comments