Sara: Pre-surge sa COVID-19 cases posibleng nasinatian na

25

Davao City – Gibutyag ni Davao City Mayor Sara Duterte-Carpio nga posibleng nasinatian na sa syudad sa Davao ang pre-surge sa Coronavirus Disease 2019 (COVID-19) cases.

Matud sa alkalde, subay sa pinaka ulahing pamahayag ni City Health Office (CHO) Head, Dr. Ashley Lopez, wala pa karon nasinatian sa syudad ang surge kun pagsutoy sa kaso sa COVID-19, apan posible mopadulong kini tungod kay miabot sa 513 ang total active COVID-19 cases sa Davao sa May 9, 2021 subay sa datos sa Department of Health (DOH)-XI.


“Is this a cause for alarm? Yes. Is this a surge? According to.. sa presentation ni Dr. (Ashley) Lopez, not yet but it seems to indicate that there is a pre-surge (of COVID-19 cases),” segun sa mayor.

Gipasabot ni Mayor Sara nga posebling ibalik sa mas estriktong quarantine status ang syudad kung imando sa National Inter-Agency Task Force (IATF), rason nga ginapaningkamutan karon sa lokal nga gobyerno pinaagi sa kooperasyon sa Davaoeños nga mapa-ubos ang kaso sa COVID-19.

“We do not want na masulod ‘ta didto sa mga numbers (sa cases) na kinahanglang i-impose ang Enhanced Community Quarantine (ECQ) or Modified Enhanced Community Quarantine (MECQ). Hopefully, makaya nato i-stop, i-manage, i-push down ang increasing number of cases nato diri sa atong syudad so that we will not go to into an ECQ or MECQ,” sulti ni Duterte-Carpio.

RadyoMaN Kirby Manzon



Facebook Comments